2013-12-16

#EzEbidentziarikGabe

Joan den astean sarea astindu zuen mugimendua izan zen #EzEbidentziarikGabe eta guk ere honekin bat egin nahi dugu. 

#EzEbidentziarikGabe

Ebidentzia medikuntza modernoaren zutabeetako bat da. Ez da beti horrela izan: urtetan, aurretik eraginkortasuna eta segurtasuna ziurtatu gabe eman izan dira tratamenduak. Batzuk eraginkorrak izan ziren arren, beste askok ondorio kaltegarriak eragin zituzten.
Alabaina, gizakiaren historian ezaguera zientifiko gehien metatu den garaian, badira, oraindik, inolako eraginkortasunik eta segurtasunik frogatu gabe diziplina mediko gisa jardun eta pazienteengana hurbildu nahi duten sasizientzia ugari.
Adierazpen honen sinatzaileok, guztiak osasungintzako edo zientziatako beste arloetako profesionalak, kazetariak eta bestelakoak garenok, badakigu gure ardura legal eta etikoa dela pazienteei tratamendurik onena eskaintzea, eta haien osasuna zaintzea. Horregatik, osasun-langile, zientzialari eta herritar gisa, kezkatu egiten gaitu komunikabideetan agertutako berriak, esanez sendagai homeopatikoak arautzeko eta onartzeko prozesu bat ireki dela, eta iruditzen zaigu zerbait egin behar dugula horren aurrean.
Espainiako Medikamentuen eta Osasun Produktuen Agentziako (AEMPS) zuzendariaren adierazpenek, ziurtatuz “botika homeopatiko guztiek ez dutela zertan frogatu eraginkortasuna” eta “segurtasuna ez dela frogatu behar berariazko entsegu klinikoen bidez”, gure kezka areagotu besterik ez dute egiten.
Honengatik guztiagatik, hau eskatzen dugu:
  1. Entsegu kliniko bidez gutxienez plazeboak baino eraginkortasun- eta segurtasun-maila handiagoak frogatu ez dituen tratamendurik ez onartzea. Indikazio teraupeutikorik gabeko ustezko sendagai homeopatikoak arautzea kontraesan hutsa da, eta arbuiatu egin behar da. Indikaziorik ez badu, zertarako eman?
  2. AEMPSek merkatutik ken ditzala, lehenago onartuak izan diren arren, plazeboa baino eraginkorragoak direla frogatu ez duten edota neurriz kanpoko ondorio kaltegarriak dituzten mota guztietako sendagaiak.
  3. Osasun, Gizarte Zerbitzu eta Berdintasun Ministerioak, eta osasungintzaren alorreko gainerako agintariek, jazar ditzatela bere produktuek sendatzeko gaitasuna edo osasunerako onurak dituztela zientifikoki frogatu gabe aldarrikatzen duten ekoizleak.
  4. Espainiako Mediku Elkargoen Kontseilu Orokorrak / Mediku Elkargoen Erakundeak, Kode Deontologikoaren 26. artikuluan oinarrituz, gaitzets dezala ebidentzia zientifikorik gabeko tratamenduak agintzen dituzten medikuen jarduna.

Bide batez eta gaiarekin lotuta, elhuyar aldizkarian azaldutako elkarrizketa interesgarri baten lotura uzten dizuegu.

 http://aldizkaria.elhuyar.org/elkarrizketak/edzard-ernst-zientziaren-eta-pseudozientziaren-art/
Continue lendo

2013-12-11

#KulturaZientifikoa I. Jaialdia

Gaurkoan #sarean #zientzia eta #euskaraz burutu behar den proposamen interesgarrienetako batekin gatorkizue: #KulturaZientifikoa I. Jaialdia



Egitasmoa hau Kultura Zientifikoa osatzen duten arloen inguruko ekarpenak biltzeko ekimena da zeina 2014ko urtarrilaren 8tik - martxoaren 31a arte burutuko da.
 
Jakintza-arlo desberdinen inguruko post, mezu edo artikuluak tarte jakin baten idatzi, editatu, sareratu eta biltzeko ekimena da. Norberak lantzen, garatzen, aztertzen, interesa duen arloaren gaineko mezua idatzi eta sarean partekatzera gonbitea da honako egitasmoa. Zertarako? Kultura Zientifikoaren gaineko ezagutza, onespena eta interesa zabaltzeko Internet bidez. Aurkezten dugun ekimen hau zabala da, interesa duen ororentzat irekita dago. Animatu eta parte hartu!

@bagabigablog-etik gure atxikimendua adierazi nahi diogu ekimen honi.

Informazio gehiago aurkituko duzue bertan: #KulturaZientifikoa I. Jaialdia 

Bide batez burutazio honen arduradunak gidatzen duen blog paregabe honen berri eman nahi dizuegu:

@TxoniMatxain

 
Continue lendo

2013-12-03

EUSKALOSASUNA, HAINBAT BALIABIDE IÑAKI UGARTEBURUEN ESKUTIK

Gaur, Euskararen Nazioarteko Eguna den heinean, osasun arloan euskaraz aritu nahi duten profesional guztiei omenaldi txiki bat egin nahi diegu hemendik.


Asko gara testu tekniko edo zientifiko bat euskaraz prestatzen dugunean zailtasunak izaten ditugunak. Zailtasun handienetako bat terminologian datza, izan ere, hitz-tekniko asko ingeles edo gaztelaniatik jaso edo artikulu ezberdinetan hizkuntza hauetan irakurri ohi baititugu. Zailtasun edo oztopo hauek gainditu daitezkeela gogorazi nahi dizuegu hemendik, bide horretan bakarrik ez zaudetenaren mezua ekarriz.

Hala bada, ezinbestekoa iruditzen zaigu Iñaki Ugarteburuk egindako lana eta berak utzitako hainbat baliabide eta tresna aipatzea. Horretaz gain, beste ohiko baliabide batzuk ere gogoratzen dizkizuegu.

EUSKALOSASUNA

BANKU-TERMINOLOGIKOA (PDF)


EUSKALTERM

ELHUYAR HIZTEGIA

ITZULTZAILE AUTOMATIKOA

XUXEN zuzentzailea

Erabilgarriak izango zaizkizuelakoan 
Continue lendo
 

BAGA BIGA BLOG! Copyright © 2011 | Template design by O Pregador | Powered by Blogger Templates